Fyrirtækið Volare var stofnað á haustdögum 1997 af hjónunum Guðmundu Hjörleifsdóttur og Þórði Sigursveinssyni. Upphafið má rekja til þess að dóttir þeirra hjóna sem búsett er í Svíþjóð kynnti vörur Dr. David Melumad fyrir móður sinni. Hún hvatti hana til þess að byrja að kynna vörurnar hér á landi.
 
 
Það gerði hún og fljótlega fékk hún fleiri sölumenn til þess að kynna vörurnar. Hún byrjaði með fyrirtækið í einu litlu herbergi á heimili sínu en smátt og smátt jukust umsvifin og húsið allt var orðið undirlagt undir Volare. Þá hugsaði hún sér til hreyfings og Volare flutti í eigið húsnæði árið 2002.
 
 
Það tók aðeins tvö ár að sprengja það húsnæði utan af sér og árið 2004 flutti fyrirtækið að Vestmannabraut 36. Fjórum árum síðar var það húsnæði orðið of lítið og því var brugðið á það ráð að fjárfesta í glæsilegu verslunarhúsnæði í miðbæ Vestmannaeyja, að Vesturvegi 10 þar sem Volare er í dag til húsa.
 
Guðmunda hefur rekið fyrirtækið frá fyrsta degi. Með henni starfa fjölmargir sölumenn víðs vegar um landið.
 
 
 
Volare selur vörur húðsjúkdóma- og lyfjafræðingsins Dr. David Melumad en hann er einnig með doktorspróf í lyfjaefnafræði. Hann er þekktur vísindamaður í heimalandi sínu og hefur skrifað mikið fyrir alþjóðlegar vísindastofnanir í húðsnyrtingu og lyfjafræði. Hann er einnig sá fyrsti sem sameinar Aloe vera gel og fjársjóði Dauðahafsins í húð og hárlínu en fyrir þá línu fékk hann Gullstjörnuverðlaunin árið 1996.
 
 
 
Rannsóknarstofur Dr. Melumads eru vel þekktar fyrir sköpunargleði, notkun á nýrri tækni og fyrir sínar frábæru einkaleyfis framleiddu vörur sem unnar eru úr fjársjóðum náttúrunnar. Vörur Volare eru hágæða vörur unnar úr náttúrulegum efnum þar sem eitt af grunnefnunum er Aloe vera gel. Dr. Melumad notar plöntu sem heitir Aloe vera barbadensis og vaxa þær í akri sem Dr. Melumad á og hugsar um. Akrarnir eru í steinefnaríkasta jarðvegi heimsins í Jórdandalnum.
 
Volare býður upp á fjölbreyttar vörur fyrir húð, hár og heilsu. Hægt er að kynnast vörunum betur á volare.is. Eins er þar að finna frásagnir fólks af góðri reynslu af vörum Volare. Líklega er þekktasta frásögnin hér á landi af virkni Aloe vera gels Volare þar sem ungur drengur, Angantýr Arnarsson brenndist illa innvortis eftir að hafa drukkið efni sem notað er til að þrífa mjólkurtanka. Drengnum var vart hugað líf og var haldið sofandi í öndunarvél fyrstu daganna. Móðir drengsins, Íris Rún Gunnarsdóttir hafði kynnst Volare vörunum nokkru áður og ákvað að gefa drengnum Special Aloe vera gel Volare. Læknarnir samþykktu ekki gjöfina en sögðu að hún mætti bera það á andlit Angantýrs en hann hafði brennst illa í andliti, niður allt vélindað og að maganum. Hún bar gelið á andlit drengsins en lét hann einnig borða það með ótrúlegum árangri. Íris Rún sagði í samtali við Blaðið fyrir nokkru að hún hafi aldrei efast um að hún væri að gera rétt enda hafi hún séð hvað gelið hafði gert fyrir fólk. Hún bjóst samt ekki við að hún myndi útskrifast fjórum vikum síðar með heilbrigt barn.
 
Volare er staðsett í Vestmannaeyjum. 
 
Volare ehf
Vesturvegur 10
900 Vestmannaeyjar
Sími: 481-2057
Netfang: Volare@simnet.is
Vefsíðugerð & vefhönnun: Smartmedia © 2011